બંધારણ
બંધારણ
શ્રી પાંચ ગામ ગુજરાતી સઇ સુથાર (દરજી) જ્ઞાતિ
1. સંસ્થાનું નામ : શ્રી પાંચ ગામ ગુજરાતી સઇ સુથાર (દરજી) જ્ઞાતિ
2. સરનામું : FF-૧૭, દેવનંદન કોમ્પલેક્ષ, ચાણક્યપુરી પાસે, કાચનાં મંદિરની બાજુમાં, ઘાટલોડીયા, અમદાવાદ-૩૮૦૦૬૧
3. કાર્યક્ષેત્ર : સમસ્ત ગુજરાત રાજ્ય રહેશે.
4. હેતુઓ :
સમગ્ર ગુજરાતમાં વસતા શ્રી પાંચ ગામ ગુજરાતી સઇ સુથાર (દરજી) જ્ઞાતિના સભ્યો અને તેમના પરિવારની સામાજીક, નૈતિક, સાંસ્કૃતિક, શૈક્ષણિક, આર્થિક વગેરે જીવનના વિવિધ ક્ષેત્રે પ્રગતિ સાધવા સહાય કરવી. તદ્ઉપરાંત જ્ઞાતિમાં સ્નેહ અને સહકાર વધારવા પ્રયત્ન કરવો. સંસ્થાની તમામ પ્રવૃત્તિઓ બીન રાજકીય રહેશે. ટ્રસ્ટ સમાજના વિકાસ માટે નીચે મુજબની પ્રવૃત્તિઓ કરશે:
(૧) શ્રી પાંચ ગામ ગુજરાતી સઇ સુથાર (દરજી) જ્ઞાતિના ગુજરાત અને પરદેશમાં વસતા જ્ઞાતિજનોનું સંગઠન કરવું. શક્ય હોય તો તે અંગે ડિરેક્ટરી કે સોવેનિયરનું પ્રકાશન કરવું.
(૨) સમાજના નિઃસહાય સભ્યોના લાભાર્થે જીવનજરૂરી ચીજવસ્તુઓ, કપડાં, દવા, રહેઠાણની વ્યવસ્થા કરવી.
(૩) બાલવાડી, આંગણવાડી, પ્રાથમિક, માધ્યમિક અને ઉચ્ચતર માધ્યમિક શાળા, કોલેજો, ટેકનીકલ શિક્ષણને લગતી કોલેજો-વર્ગો, છાત્રાલયો, આશ્રમશાળાઓ, પુસ્તકાલયો, પ્રૌઢ શિક્ષણના વર્ગો વગેરે ચલાવવા અને નિભાવવા.
(૪) નિઃસહાય અને જરૂરિયાતવાળા વિદ્યાર્થીઓને મફત નોટબુકો, પુસ્તકો અને ગણવેશનું વિતરણ કરવું. તેજસ્વી વિદ્યાર્થીઓનું બહુમાન કરવું, ઇનામો આપવી અને ઉચ્ચ અભ્યાસ માટે સહાય આપવી.
(૫) નિઃસહાય અને જરૂરિયાતવાળા લોકોને મફત તબીબી સહાય પૂરી પાડવી અને તે માટે હોસ્પિટલ, બ્લડ બેંક, રોગ-નિદાન કેમ્પ, નેત્રયજ્ઞો વિગેરેનું આયોજન કરવું. મેડિકલ ક્ષેત્રે રીસર્ચ માટે સંશોધન કેન્દ્ર સ્થાપવું અને ચલાવવું. એમ્બ્યુલન્સ સેવા પુરી પાડવી.